اسلمي
اسلمي ما عليك الا الرخا والسلامه
جعل قلبي فدى قلبك من اللي يصيبه
بين أياديك عبدٍ في يدينك زمامه
شرّقي به مثل ما ودّك وغرّبي به
كوكب المجد من صدرك رضعت الكرامه
لا تقولين صدر أمٍ تدفق حليبه
أمتلي بالفرح لا شفت منْك ابتسامه
مثل ما تسعد الشمس الغصون الرطيبه
واصغر آهاتك تْقوّم عليّ القيامه
أدمن الحزن وآعيش بحياةٍ كئيبه
لك على كلّ يومٍ من حياتي علامه
كم مضى لي معك من ذكرياتٍ حبيبه
وان كبرت أو علا لي في سما المجد هامه
تخضع النفس لك مني جلالٍ وهيبه
عاصيٍ في غلاك مكثّرين الملامه
من عذلني بحب أمّي عسى الله يصيبه