الصديق
أنا وانت تبغيني مثل ما تكون آكون
أجل كيف صرت أنت أنت وانا حدٍ ثاني ؟
صحيح المحبه لجلها كلّ شيّ يهون
لكنّك تعاديني بتشكيل وجداني
أنا ما اقدر أنحر فكرتي لجْل اقول تمون
ولا ابغيك تنحر كلّ فكرك على شاني
ابيك الصديق الصافي الوافي المضمون
الى أقديت تامرني ولا اخطيت تنهاني
وابيك الصديق اللي لقلبي يصير عيون
اشوف بْك صدقاني واشوف بْك عدواني
وابيك الصديق اللي ليا شاف فيّ جنون
يعدّل على ميزان الاخلاق ميزاني
تعبت أنقل فوادٍ من اهل الردى مطعون
تعثّر على درب الصداقه وعنّاني