الوقت الأقشر
عجيب أمر دنياً ينجحر في طرفها الذيب
ويرقى الثعل في قمة النايف العالي
أبا اغيب لكن للأسف ما قدرت أغيب
وبا احبس كلامي في فمي ما تهيّا لي
هَذَا الوقت الأقشر صار فيه الحياد صْعيب
خفض روس الاجواد ورفع روس الانذالي
يبونك ليا من شفت مخطي تقول مْصيب
وذا الحال ما يصلح لي بكل الاحوالي
من افعالهم يمدي عيون الزمان تشيب
ويلقون من يفرح بشينات الافعالي
هل العلمنه والكذب والزيف والتخريب
رديين الانفس يا عسى ما لهم تالي
بنصبر لعلّ أيامنا المقبلات تْطيب
وتصفى النفوس وبعض الازوال تنزالي