جرح
حبيبي والليالي جرح .. وايّام الشقا غابه
تعال أشرح لك أسباب الرحيل وسرّ منهاجي
أنا ما كنت أظن الليل ينسى غالي أحبابه
الين أنكرني الدرب الطويل وموّت سْراجي
يا ليت اللي بكينا غيبته يوم أنكر أحبابه
تلطّف بالْتفاتة محسنٍ من برجه العاجي
يعاتبني زماني والزمن من يقدر عْتابه
ألا يا عونة الله من زماني ما اكثر احراجي
أشدّ أيام عمري من ضروس الدهْر وأنيابه
واسافر والمواني حلم عيّا يقبل اللاجي
تعلّقت برغايب كايده ووعود كذّابه
وصادقت العدو يوم الصديق استمهن ازعاجي
دخلت الحزن يا ما اكبر عناي من اوسع أبوابه
وهالحين ان بغيت أرجع ورا يا صعْب مخراجي