عين الغدر
خل العيون تقول ما تخفي الروح
ما للكلام وكثرة الشرح داعي
تخفي نوايا صدّتك وانت مفضوح
اشوف في نظرات عينك ضياعي
رح وين ما ساقتك الاقدار وآروح
وادعتني وألا بخلت بوداعي
مالك وما لي غير ما خط في اللوح
ما يمنع المكتوب كثر المساعي
حلمٍ جمعني بك على غير مصلوح
بحرٍ على جاله تحطم شراعي
قلبي قبل جرحك من الوجد مجروح
تراك ما انت اول جروح اندفاعي
بادرتني خادع بضحكات ومزوح
واغريتني كاذب بزين الطباعي
لين انكشفت وبان معدنك بوضوح
وأخلف غرورك فكرتي وانطباعي
مسموح ؟ لا ما انت بعلى الغدر مسموح
يكفيني أهدم رغبتك بامتناعي