29 Dec

لا تذكرني.pdf


لا تذكّرني



لا   تذكّرني    بنفسك     نسيتك     من      زمان

          ليه ؟  عادك  تذكر  الحب  الاوّل  ؟   ما نسيت  ؟

انتهينا      ما      لمثلك       بتفكيري        مكان

          قلت    لي  :     دوّر    بدالي    ودوّرت    ولقيت

شفني   أقطف   من   زهور  الهوى  والحظ  زان

          بعت   في  سوق   المحبه   مع   الناس   وشريت

لو    لسان      الليل     واشي     تمنيته     لسان

          يخبرِك   كم    مرة     تحت     جنحانه    سريت

يوم   شحّيت    بحنانك    ظميت    أطلب    حنان

          والتحف   بلحاف   غيرك   واقول    انّي    دفيت

صار   لي   في   عالم    الحب   تاج   وصولجان

          كم    ومرْت    قلوب    عشّاق   الاشعار   ونهيت

وانت  لا  هالحين   عايش   تحت   تأثير  ( كان ) 

          راحت    الدنيا    مع   أخبار   كان   وما   دريت

يوم    غابت    شمس    حبّك    ومات    العنفوان

          جيتني   هالحين    قصدك    ترد    اللي    خذيت

وش  تبي  بي  ؟  رحْ  تراني  نسيتك   من  زمان

          والدليل   انّي   عرفتك   من   اوّل    ما    حكيت

تعليقات
* لن يتم نشر هذا البريد الإلكتروني على الموقع.