من خساراتي
حلمت حلم ٍ تعدى بي حدود الخيال
لا بارك الله في حلمي ومن فسّره
أعمى عيوني وشفت القرد مثل الغزال
واسرجت من غفلتي للمقبلات بْقره
وعديتها من خساراتي وانا راس مال
ومن لا حفظ ماله من العابثين خْسره
ان قلت هذا بدر وان قلت هذا هلال
هذاك وش صغّره هذاك وش كبّره
من مال حظه ولو تعْدل له الدرب مال
واللي معه حظ ما يختلّ قيد شْعره
في عالم العولمه ما فيه شيٍّ محال
لكنّ ما عاد به في كل شيً ثْمره
ماني محلّل حرام ولا محرّم حلال
أخاف بعض الأمور تسبّب الشوشره
لا تَعجب ان شفت لك ريحٍ تهزّ الجبال
والا حمارٍ قضب سبع ونقز في ظْهره
تعلمنوا في زمانك ذا رعاة الجمال
أصبر ولا عاد تفرق بين رجل ومره